Udan ketek ngilo
Panas awan ana udan
Bocah pada ngilo nang banyu kecomberan
Awak blepot pada guyonan kaya ketek udan udanan
Blepot dosa sebab sengaja
Barang liyan diuntal untal
Barang haram nggo goletan
Laku bener nggo guyonan
Menungsa pada ilang kiblate
Mlebu jaman kala bendu
Nggolet wong pinter ora mingser
Nggoket wong bener nganti kenger
Pengilon
Kanggo ndeleng awak
Bener apa rusak
Yen bener diuri uri
Yen rusak pada didandani
Milih pemimpin sing teliti lan ngati ati
Dideleng bibit bebet bobote
Asal usul, kejujuran uga kepinterane
Pengilon
Kanggo ngilo utawa metani awak
Dimen dadi menungsa sing winasis
Ngerteni maring sangkan paraning dumadi
Purwokerto, Senin 15 Maret 2021.