Tuku lenga wis dadi jlantah
Najan jlantah esih lumayan
Rong dina ndekem neng umah
Kanggo ihtiar aja kluyuran
Mangkok semeja isine bakmi
Bumbu degerus wadhahe wutah
Reka usaha nyetop pandemi
Corona virus sing kadhung ndadrah
Memeni kasur ngisor tlawungan
Tlawungan dejiret tali bekas
Ayuh sedulur nggolet pitulungan
Supayane slamet urip waras
Mlayune kebat nglepeki dhara
Nglepeki dhara uwuri sega
Keluarga sehat adoh pilara
Melu siaga lan jaga tangga
Muter-muter mlaku keplarak
Aja kesuh ati-ati
Nganggo masker lan jaga jarak
Tangan wisuh banyu mili
Liren neng prapatan medang kopi
Mangan lonthong lawuh teri
Protokol kesehatan detaati
Gotong royong brayan urip
Maring kali numpak dhokar
Ana rayap nggrumuti tatal
Virus mati ora nular
Ayuh siap nyambut new normal
07022021
