Dadi pakulinan si biyung embret godhong gedhang
angger esuk didol neng pasar
niat ingsun ngrewangi wong lanang
najan olihe sethithik kena nggo tuku lombok trasi
dina kiye jebul pasar tutup
sepi
tumprap si biyung ora kurang reka
digawe ati meneb adhem
godhong gedhang sing wis dekompet
digawa bali
nggo ngurup oyek maring tangga sing bakul tempe
najan pas agi ora dodol
dheweke ora ndongkol
merga brayan suwe
tangga dadi sedulur
tulung tinulung ulur-uluran ganti gentenan
sing agi duwe weweh maring sing agi ora ana
pager wesi bisa kalah karo pager lepek
merga kebecikan raket cekelan
gethok tular dadi sepenguripan
Advertisement. Scroll Untuk Lanjutkan Membaca
06022021
